stockphoto.com
“Мияулап, үрген“: Желідегі әзіл видеодан кейін ұшқыштар қатаң тексерілетін болды: 24 сәуір 2026, жаңалықтар Turkystan.kz
АҚШ-та ұшақтағы ерекше жағдай әлеуметтік желілерде қызу талқылануда. Ұшқыштар мен диспетчерлер арасындағы радиобайланыс кезінде эфирден «мияулаған» және «үрген» дыбыстар естіліп, бұл жазба тез арада тарап кеткен, деп хабарлайды turkystan.kz.
Оқиға 12 сәуір күні Вашингтон штатындағы Рейган әуежайында болған. ABC News мәліметінше, радиобайланыс барысында ұшқыштардың бірі жануарларға еліктеп, оғаш дыбыстар шығарған. Бұл сәт келіссөздерді бақылау жүйесіне жазылып қалған.
Диспетчерлер тарапынан ескерту жасалғанымен, эфирде мұндай дыбыстар бірнеше рет қайталанған. Тіпті әріптестерінің бірі әзіл ретінде «Сондықтан сендер әлі күнге дейін өңірлік рейстерде ұшып жүрсіңдер» деген пікір білдірген.
Айта кетейік, бұл байланыс жиілігі қызметтік әрі төтенше жағдайларға арналған маңызды арна болып саналады. Сондықтан мұндай әрекеттер авиация қауіпсіздігі тұрғысынан алаңдаушылық туғызады. Осыған байланысты АҚШ-тың Федералды авиация басқармасы тексеріс бастаған.
Желі қолданушылары бұл жағдайға әртүрлі көзқарас білдіруде: біреулер оны әзіл ретінде қабылдаса, енді біреулер ұшқыштардың әрекетін кәсіби этикаға сай емес деп бағалауда.
Толық нұсқасына гиперсілтеме беруді ұмытпаңыз: https://turkystan.kz/article/280398-miiaulap-urgen-zelidegi-azil-videodan-keiin-usqystar-qatan-tekseriletin-boldy
