Жамбыл облысының әкімі Ербол Қарашөкеев төрағалық еткен аппараттық кеңесте «Таза Қазақстан» жалпыұлттық экологиялық акциясының іске асырылу барысы қаралды.
Энергетика және тұрғын үй-коммуналдық шаруашылық басқармасы басшысының міндетін атқарушы Еркін Алтышевтің мәліметінше, 2026 жылдың наурыз айынан басталған акцияға 15,6 мың адам, сондай-ақ 840 кәсіпорын мен мекеме қатысқан.
Сенбіліктер барысында 29,6 мың түп жасыл желек отырғызылып, ауқымды тазалық жұмыстары жүргізілді. Нақтырақ айтқанда, 1,1 мың шақырым көше жолдары, 318 шақырым арық жүйелері мен каналдар, сондай-ақ 68,8 мың шаршы метр саябақтар мен скверлер аумағы тазартылды. Жалпы көлемі 1,3 мың тонна күл-қоқыс шығарылды.
Көктемгі екі айлық аясында Тараз қаласы мен аудандарда кең көлемді сенбіліктер ұйымдастырылып, 50 мың түп ағаш отырғызу жоспарланған.
Экологиялық акция басталғалы бері абаттандыру қағидаларын бұзу және қоғамдық орындарды ластау бойынша 387 дерек тіркеліп, 229,2 миллион теңге көлемінде айыппұл салынған. Полиция департаментінің дерегінше, оның 79,7 пайызы өндірілген.
Сонымен қатар «Таза Қазақстан» акциясының ақпараттық сервисі – Telegram-ботқа жыл басынан бері 237 өтінім түскен. Оның ішінде 220 өтінім мерзімінде қаралып, 14 өтінім бойынша бас тарту шешімі қабылданған, ал 3 өтінім қаралу үстінде.
Жалпыұлттық акция шеңберінде жасыл желектерді түгендеу және цифрландыру жұмыстары да қолға алынған. Қазіргі уақытта бұл жұмыстар тек Тараз қаласында жүргізіліп, арнайы taraz.botsad.kz платформасына 31 мың түп жасыл желек енгізілген. Жобаны іске асыру 2026-2028 жылдар аралығында жалғасады. Алайда Жаңатас, Қаратау және Шу қалаларында бұл бағыттағы жұмыстар әлі басталмаған.
Еркін Алтышев өңірдің санитарлық жай-күйіне жүргізілген зерделеу нәтижелеріне тоқталып, анықталған кемшіліктерді атап өтті. Қазіргі таңда оларды жою бойынша тиісті шаралар қабылдануда.
Өз кезегінде өңір басшысы тазалық мәселесі тұрақты бақылауда болатынын баса айтып, абаттандыру жұмыстарын күшейтуді тапсырды.
Сенбіліктер барысында тек орталық көшелермен шектелмей, елді мекендердің шет аймақтарын да қамту қажет. Екі аптадан кейін қайта зерделеу жүргізіледі. Демалыс орындары, теміржол және автожол бойындағы сервистік нысандардың тазалығы қатаң бақылауда болуы тиіс. Тараз қаласы мен аудан әкімдері бұл бағыттағы жұмысты күшейтуі қажет. Алдағы уақытта нақты баға берілетін болады, – деді Ербол Қарашөкеев.
Сондай-ақ, ол жасыл желектерді түгендеу мен цифрландыру жұмыстары тал-дарақтарды күтіп-ұстау сапасын арттыруға мүмкіндік беретінін атап өтіп, бұл бағыттағы жұмысты жеделдетуді тапсырды.
Расширенная search функциональность экономит время при поиске. Используйте Kraken магазин с продвинутыми фильтрами поиска для быстрого наождения нужны товаров.
