Жергілікті базар әкімшілігі кәсіпкердің меншігіндегі сауда орындарын аумақтан алып кетуіне тыйым салған. Бұл шешімге наразылық білдірген азамат үстіне бензин құйып, өз мүлкін қайтаруды талап еткен. Оқиға орнына шұғыл түрде жеткен төтенше жағдай қызметтері мен полиция өкілдері жағдайды бақылауға алды.
Қалалық әкімдік қызметкерлері мен тәртіп сақшылары ер адаммен ұзақ уақыт келіссөз жүргізді. Түсіндіру жұмыстарының нәтижесінде қарағандылық тұрғынды бұл қауіпті қадамнан бас тартуға көндіру мүмкін болды. Қазіргі таңда зардап шегушілер жоқ, оқиғаның алды алынды.
Мәселені одан әрі егжей-тегжейлі талқылау және заң шеңберінде шешім шығару мақсатында ер адам қалалық әкімдік ғимаратына жеткізілді. Онда базар әкімшілігі мен мүлік иесі арасындағы құқықтық дауды реттеу бойынша арнайы комиссия жұмыс істемек. Полиция департаменті аталған факті бойынша тиісті тексеру амалдарын бастады.
фото: ашық дереккөздерден
