Бүгінде бұл мейрам ұрпақтар сабақтастығының және халқымыздың салт- дәстүрі мен мәдениетінің символындай биікке көтерілді. Берекесі дарыған әз- Наурыз – ынтымақ пен бірліктің, тәрбие мен тазалықтың, еңбек пен өнердің үкілі мерекесіне айналды.Ұлыстың ұлы күні аудан көлемінде тойланып жатыр. Әсіресе ауыл жастары көңілді кештерді өткізіп, сауық сайран жарасым табуда. Бүгін Игілік ауылының 1984, 1994 және 2004 жылғы туған азаматтардың ұйытқы болуымен кеш өтті. Сауық сайранға толы шарада ауыл өнерпаздары әннен шашу шашып, ауыл аспанын думанға бөледі.