8 наурыз – Халықаралық әйелдер күніне орай ҚАЖД №67 мекемесінде салтанатты мерекелік іс-шара ұйымдастырылып, ұжымдағы әйел қызметкерлерге құрмет көрсетілді. Мекеменің ер азаматтары нәзік жандыларды көктемнің шуақты мерекесімен құттықтап, олардың қоғамдағы, отбасыдағы және қызметтегі маңызды рөлін ерекше атап өтті.
Мерекелік жиын барысында мекемеде қызмет атқарып жүрген әйелдердің кәсіби біліктілігі, жауапкершілігі мен еңбекқорлығы жоғары бағаланды. Ұжымдағы әйел қызметкерлер мекеменің қызметін дамытуға елеулі үлес қосып, өз істеріне адалдығымен және табандылығымен ерекшеленіп келеді.
Іс-шара барысында ер азаматтар тарапынан әйел қызметкерлерге жылы лебіздер мен шынайы тілектер айтылып, олардың күнделікті қызмет барысында көрсетіп жүрген ұқыптылығы, кәсібилігі мен жауапкершілігі ерекше атап өтілді.
Сонымен қатар, мерекелік шара аясында әйел қызметкерлерге гүл шоқтары мен естелік сыйлықтар табысталды. Бұл өз кезегінде ұжымдағы сыйластық пен өзара құрметті арттырып, қызметкерлер арасындағы бірлік пен ынтымақты нығайта түсті.
8 наурыз – әйелдерге деген ерекше құрмет пен алғыстың белгісі. Осыған орай ҚАЖД №67 мекемесінің ұжымы әйел қызметкерлердің еңбегін әрдайым жоғары бағалап, оларға зор денсаулық, отбасыларына амандық, жұмыстарына табыс пен жаңа жетістіктер тіледі.
Мереке соңында барлық әйелдер қауымына көтеріңкі көңіл күй, бақ-береке, шаттық пен көктемдей құлпырып, әрдайым бақытқа бөлене берулеріне тілектестік білдірілді.
