Кеше менің төрағалығыммен халықты мемлекеттік қолдау шараларының тиімділігін арттыру, міндетті әлеуметтік медициналық сақтандыру (МӘМС) жүйесімен қамту деңгейін көтеру, сондай-ақ «Отбасының цифрлық картасы» жобасының іске асырылу барысы бойынша штаб отырысы өткізілді.
Аталған отырысқа Әлеуметтік медициналық сақтандыру қорының облыстық филиалы, денсаулық сақтау, салық және полиция басқармаларының өкілдері, «Әулие ата» және «Жібек жолы» аудандары әкімдерінің орынбасарлары, көші-қон және білім беру саласының жауапты мамандары, сондай-ақ мемлекеттік және жекеменшік медициналық ұйымдардың бас дәрігерлері қатысты.Жиын барысында халықты МӘМС жүйесімен қамтуды арттыру, сақтандырылмаған азаматтар санының динамикасы, оның ішінде “D” және “E” санатындағы тұлғалармен жүргізіліп жатқан жұмыстар, сондай-ақ «Отбасының цифрлық картасы» жобасының жүзеге асырылу барысы жан-жақты талқыланды.Көтерілген барлық мәселелер штаб мүшелері тарапынан пысықталып, тиісті мемлекеттік органдарға нақты тапсырмалар берілді.