Бүгін Тараз қаласы әкімінің орынбасары Ұ.Сламбекқызының төрағалығымен қылмыстық жазаны және қылмыстық-құқықтық ықпал етудің өзге де шараларын атқаратын мекемелердің қызметіне жәрдемдесу, сондай-ақ қылмыстық жазасын өтеген адамдарға әлеуметтік және өзге де көмекті ұйымдастыру мәселелері жөніндегі қалалық комиссияның отырысы өткізілді.
Комиссия отырысына қалалық прокуратураның, полиция органдарының, денсаулық сақтау саласының, пробация қызметінің өкілдері және комиссияның жауапты мүшелері қатысты.
Отырыста №1, №2, №3 пробация қызметтерінің 2025 жылы атқарған жұмыстары туралы есептері тыңдалып, комиссияның 2026 жылға арналған жұмыс жоспары қаралып, бекітілді.
Сонымен қатар, комиссияға қарасты мекемелердің пробация бағыты бойынша атқарған жұмыстары туралы ақпараттар тыңдалды.
