Қаңтар айының 18 мен 19 на қараған түні әлемнің барлық православие өкілдері Крещение Господне мерекесін атап өтеді. Бұл күн проваслав қауымы үшін айрықша рөлге ие. Бұл 2000 жылдан бері өзгермей келе жатқан православ христиандарының діни мерекесі. Крещение – суға малу, яғни крестті суға малу дегенді білдіреді. Суға кресттің малынуы суды тазартып, әлгі су ерекше қасиетке ие болады делінеді. Бұл наным — сенім христиандарға тән. Крест малынған бұл су – Йордан сулары деп аталады. Себебі, Иса Пайғамбардан бастап ең алғаш шоқынушылар Йордан өзеніне шомылған көрінеді.
Осы орайда, бүгін «Ақбұлақ» демалыс орнында діни рәсім өткізілді. Аталмыш орында суға түсетін баспалдақ орнатылып, жарық қойылды. Мамандар суға қауіпсіз кіріп — шығуды қамтамасыз етті. Шара барлық қауіпсіздік ережесіне сай ұйымдастырылды. Діни рәсім барысында қауіпсіздікті сақтау мақсатында Сарысу ауданы ТЖ бөлімі, Жаңатас қаласы ЖҚЖ — ның құтқарушылары, Жаңатас қаласы нөмірі 16 өрт сөндіру бөлімі, аудандық ПБ-і, жергілікті атқарушы органның қызметкерлері, аудандық аурухана қызметкерлерімен бірлесіп, күшейтілген кезекшілікке түсетін қызметкерлерге қауіпсіздікті сақтау бойынша нұсқаулық жүргізіліп, қатаң ескертілді.
Шараға 40 адам қатысып, суға шоқыну рәсімін жасады. Келушілердің басым бөлігі орта жастағы тұрғындар. Рәсім барысында қауіпіті жағдайлар орын алмады.