Аудандық мәслихаттың «Экология, табиғатты пайдалану, денсаулық, жанұя мен әйелдер ісі, мүгедектер және тұрғындардың тұрмысы төмен бөлігін әлеуметтік қорғау мәселелері» жөніндегі комиссияның 2026 жылға арналған жұмыс жоспарын бекітті.
Жоспарға сәйкес жыл бойы келесі өзекті мәселелер қаралады:
І тоқсан – Ауданда ауыл шаруашылығын сумен қамтамасыз етудегі каналдардың тозу деңгейі, су жеткізудегі гидротехникалық құрылғылардың жұмысы, жаңартылуы, қазіргі күйі, экологияға әсері туралы.
ІІ тоқсан – Ауданның емделу мекемелерінің тұрғындарға қызмет көрсету сапасы, олардың материалдық техникалық жағдайы мен қолжетімділігі туралы.
ІІІ тоқсан – Аудан бойынша тұрмыстық зорлық-зомбылықтың алдын-алу бойынша атқарылып жатқан жұмыстары.
IV тоқсан – Ауданда әлеуметтік осал топтардың тұрмыс деңгейі талдау, әлеуметтік жәрдемақылар және аудан тұрғындарын жұмыспен қамту туралы.
Сонымен қатар, комиссия мәжілістерін уақтылы өткізу, қабылданған шешімдердің орындалуын бақылау, сайлаушылармен кездесулер және қоғамдық тыңдаулар ұйымдастыру жоспарланған.
Ақпараттық медиа орталығы.
