«AMANAT» партиясының Сайлауалды бағдарламасын іске асыру аясында Жуалы ауданы Күреңбел ауылында ауыз су жүйесінің құрылысы қарқынды жүргізілуде. Бүгін аталған құрылыс жұмыстарымен Мәжіліс депутаты М.Ескендіров жеке танысты.
Аталған жобаның тапсырыс берушісі – Жуалы ауданы әкімдігінің тұрғын үй-коммуналдық шаруашылық және автомобиль жолдары бөлімі.
Жобаның жалпы құны – 916 657 893 теңге.
Құрылыс жұмыстарын «ТАРАЗСТРОЙ-2004» ЖШС жүзеге асыруда.
2025 жылға республикалық және облыстық бюджеттер есебінен 444 444 000 теңге бөлінді.
Жобаның жүзеге асыру мерзімі – *2025–2026 жылдар, өтпелі жоба ретінде қарастырылған.
Бүгінгі күнге дейін құрылыс жұмыстарының 80%-ы орындалған. Жоба толық аяқталған соң, ауыл тұрғындары таза әрі сапалы ауыз сумен тұрақты түрде қамтамасыз етілетін болады.
Бұл – партия бағдарламасының нақты орындалуының жарқын көрінісі.
