Жамбыл ауданының әкімі Ерлан Қыдыралыұлының төрағалығымен өткен аппараттық кеңесте ауыз сумен қамтамасыз ету жұмыстары, «Аса-су» КМК-ның бүгінгі күнге атқарған жұмыстары мен проблемалық мәселелері, «Казсушар» РМК-ның Жамбыл аудандық бөлімшесі тарапынан атқарылып жатқан жұмыстар және вегетациялық кезеңнің өту барысы, ауылшаруашылығы бағытындағы егістік жерлердің жалпы шаруалардың ағын сумен қамтылу жұмыстары жан-жақты қаралып, баяндамалар тыңдалды.
Кеңеске аудандық Қоғамдық кеңестің төрағасы Рүстем Бегалиев, аудандық мәслихат төрағасы Мұхтар Шайдаев, аудан әкімінің орынбасарлары және аудан активі қатысты.
Баяндамашылар күн тәртібінде көтерілген мәселелер бойынша баяндама жасады.
Аудан басшысы ауылдардағы ауызсудың сапасын, құрылғылардың дұрыс жұмыс жасауы бойынша көрсетілген кемшіліктердің себеп-салдарын тиісті сала басшыларын сұрап, ретке келтіру үшін мерзім берді. Стратегиялық нысанның қауіпсіздігі қатаң бақылауда болуы керектігін қатаң ескертті.
