Тараз қаласының инфрақұрылымын дамыту және тұрғын үй қорын кеңейту мақсатында жүргізіліп жатқан ауқымды жобалардың бірі – «Әулие-Ата» шағынауданындағы құрылыс жұмыстары. Бұл жоба өңірдің урбанистикалық даму стратегиясына сәйкес келіп, тұрғындардың өмір сүру сапасын арттыруға бағытталған.
«Әулие-Ата» шағынауданының егжей-тегжейлі жоспарлау жобасына сәйкес, мұнда 145 тұрғын үй салу көзделген. Оның ішінде:
• 64 таунхаус (қалалық коттедж үлгісіндегі жеке үйлер),
• 81 көппәтерлі тұрғын үй бой көтереді.
Сонымен қатар, әлеуметтік және медициналық инфрақұрылымды дамыту мақсатында:
• 2 жалпы білім беретін мектеп,
• 3 балабақша,
• онкологиялық диспансер,
• көпсалалы аурухана,
• профильді емхана,
• лицей-интернаты,
• инновациялық шығармашылық орталығы,
• дене шынықтыру-сауықтыру кешені,
• салтанат сарайы,
• кәсіпкерлік нысандар салу жоспарланған.
2016-2023 жылдар аралығында шағынауданның инженерлік-коммуникациялық желілерін дамыту бойынша жүйелі жұмыстар жүргізілді. Бұл кезеңде:
• газбен жабдықтау,
• жылу жүйесі,
• электрмен жабдықтау,
• ауыз су және кәріз желілері,
• сыртқы байланыс желілері салынды.
Қазіргі уақытта 5 қабатты 22 тұрғын үйдің құрылыс-монтаждау жұмыстары қарқынды жүріп жатыр. Құрылыс 2023 жылдың қараша айында басталып, жобалық құжаттамаға сәйкес, барлық тұрғын үйлер ішкі алаңдық инженерлік желілермен қамтамасыз етілмек.
«Әулие-Ата» шағынауданының құрылыс қарқыны Тараз қаласының урбанистикалық дамуына және халықтың баспанаға қолжетімділігін арттыруға оң әсерін тигізеді. Жаңа шағынаудан инженерлік инфрақұрылыммен толық қамтылып, әлеуметтік нысандардың салынуы өңір халқының өмір сүру сапасын жақсартуға мүмкіндік береді.
