Жамбыл облысы инвестициялық тартымдылығын арттырып, өңірлік экономиканың тұрақты дамуына жағдай жасауда. Ірі өндірістік және энергетикалық жобалар іске қосылып, жаңа жұмыс орындары ашылуда. Алдағы жылдары да инвестициялық серпін бәсеңдемейді, өңірдің экономикалық әлеуеті арта түспек.
Облыс әкімдігінің кәсіпкерлік және индустриалды-инновациялық дамыту басқармасының басшысы Аспандияр Сейсебаевтың облыстық «Арай» газетіне шыққан мақаласында өңір экономикасының қарқынды дамуы, инвестиция тартудың бәсеңдемейтіні және өндірістік сектордағы айтарлықтай жетістіктер көрсетілген. Бұл тенденция Жамбыл облысының аймақтағы экономикалық өсімге айтарлықтай үлес қосатынын және инвестициялық серпіннің алдағы жылдары да жалғасатынын дәлелдейді. Сондай-ақ, Жамбыл облысындағы инвестиция тарту саласының қарқынды дамуы мен оның аймақ экономикасына қосқан үлесі егжей-тегжейлі баяндалады.
Атап айтқанда, 2028 жылға дейін аймақта 6 500-ден астам жаңа жұмыс орнын ашуды көздейтін 80 инвестициялық жоба іске асырылады. Бұл жобалардың жалпы құны 3,3 триллион теңгені құрайды, ал 2023 жылы өңірге 370,5 миллиард теңге инвестиция тартылған.
Сауда және өнеркәсіп саласындағы инвестициялық жобалар
2023 жылы жалпы құны 149,7 миллиард теңгені құрайтын 21 жоба жүзеге асырылды, нәтижесінде 700 жаңа жұмыс орны ашылды.
Инвестиция көздері:
- 90,4 миллиард теңге – мемлекеттік бюджет қаражаты
- 209,3 миллиард теңге – жеке инвесторлар қаражаты
- 4,2 миллиард теңге – банктік несиелер
- 66,5 миллиард теңге – өзге қаржылық құралдар
Бұл қаржы облыстың өнеркәсіптік және инфрақұрылымдық дамуына, жаңа кәсіпорындардың ашылуына және экспорттық әлеуетті арттыруға бағытталған.
«Жасыл» энергетика және арнайы экономикалық аймақтар
“Total Eren”, “Masdar” және “China Power” компаниялары жалпы қуаты 2,5 ГВт болатын жел электр станцияларын салу жобасын қолға алды.
“Jibek Joly” арнайы экономикалық аймағында жел генераторларының компоненттерін шығаратын “Sаny Renewable Energy” зауытының құрылысы басталды.
Бұл жобаның жалпы инвестиция көлемі – 54 миллиард теңге.
«Тараз» әлеуметтік-кәсіпкерлік корпорациясы жанынан құрылған «Zhambyl Invest» дирекциясы инвесторларға «бір терезе» қағидаты бойынша қызмет көрсетіп, жобаларды толық сүйемелдеуді жүзеге асырады.
Жаңа өндіріс орындары және металлургия саласы
«Fujian Hengwan Investment» (Қытай) компаниясы металлургия зауытының құрылысына 367 миллиард теңге инвестиция салмақ.
Зауыт үшін 300 гектар жер бөлініп, қысқа мерзімді ғылыми зерттеулер жүргізіледі.
«AltynAlmas Reagents» компаниясы 50 миллиард теңге инвестиция тартып, натрий цианидін өндіруді қолға алмақ.
«Taraz Gelatin» компаниясы 7,8 миллиард теңгеге тағамдық желатин өндірісін іске қоспақ.
«JVictorNewEnergy» компаниясы 26,4 миллиард теңге инвестиция құйып, өнеркәсіптік кремний өндірісін дамытуды жоспарлап отыр.
Индустриялық және шағын бизнес аймақтары
«Тараз» индустриялық аймағында 13 мың жаңа жұмыс орнын құруға бағытталған 15 жоба жүзеге асырылады.
Жалпы құны 137 миллиард теңгені құрайтын өндірістік инфрақұрылым дамытылады.
Облыс аудандарында «Меркі», «Құлан», «Сарысу-1» және «Сарысу-2» субаймақтары құрылуда.
Бұл субаймақтар әр ауданның ерекшелігіне сәйкес кәсіпкерлік салаларын дамытуға негізделген.
Мысалы:
- «Меркі» субаймағы – сауда-логистикалық хаб, жеміс-жидек өңдеу кешені, макарон және жиһаз өндірісі
- «Құлан» субаймағы – сүт және макарон өнімдері
- «Сарысу-1» субаймағы – тұз өңдеу, кальций хлориді, шыны және әк өндірісі
- «Сарысу-2» субаймағы – алтын, күміс, мырыш, темір және түсті металдарды байыту
Өнеркәсіп саласындағы жетістіктер
2023 жылы өңірдің өнеркәсіптік өндіріс көлемі – 727,8 миллиард теңгені құрады.
Экспорт көлемінің 77%-ы химия және құрылыс индустриясының үлесіне тиді.
Өңдеу өнеркәсібінде 212 миллиард теңгенің өнімі өндірілді.
2024-2025 жылдарға арналған жоспарлар
2024 жылы негізгі капиталға тартылған инвестиция – 826,4 миллиард теңге
Тікелей шетелдік инвестиция – 86 миллион АҚШ доллары
Жыл соңына дейін 144,4 миллиард теңгеге 30 жаңа жоба іске асырылады
