Балалар құқықтары мен олардың қауіпсіздігін қорғау прокуратура қызметінің басым бағыттарының бірі болып табылады.
Тараз қаласының прокуратурасы Жамбыл облысы әкімдігінің Білім басқармасының «Өмірлік қиын жағдайдағы балаларды қолдау орталығы» КММ-нің қызметкері кәмелетке толмағанға дене жарақатын келтіргенін анықтады.
Аталған факт бойынша прокуратурамен ҚК-нің 140-бабының
2-бөлігімен сотқа дейінгі тергеп-тексеру басталды (Кәмелетке толмаған адамды тәрбиелеу жөнiндегi мiндеттердi кәмелетке толмаған адамға қатыгездік танытуымен ұласқан орындамауы).
Сотқа дейінгі тергеу аясында ұрып-соғу фактісін растайтын бейнежазбалар дәлел ретінде тәркіленді.
Нәтижесімен кінәлі тұлға қылмыстық жауапкершілікке тартылып, балаларды қолдау орталығынан жұмыстан шығарылды.
Тараз қаласының прокуратурасы
