Құрама Штаттар пенниді ұзақ уақыттан бері шығарып келеді, оның бағасы 2 центтен асты. Бұл үлкен ысырап! Мен АҚШ Қаржы министріне жаңа тиын шығаруды тоқтатуды тапсырдым. Бір тиын болса да, ұлы еліміздің бюджетіндегі қажетсіз шығындардан арылайық, — деп жазды Дональд Трамп өзінің Truth Social сайтында.
Трамп сайлау науқаны кезінде тиынды жоюды мақсат еткен жоқ. Бірақ Илон Масктың үкіметтік тиімділік департаменті бұл мәселені өткен айда көтерді.
АҚШ монета сарайы былтырғы қаржы жылында өндірілген 3,2 млрд пенниге жуық ақшадан 85,3 млн доллар жоғалтқанын хабарлады. Әрбір пеннидің бағасы 0,037 долларға жуық болды. Былтырғы баға 0,031 доллар еді.
Монета сарайы никельге байланысты да шығынға ұшырауда. Өйткені әрбір 0,05 долларлық монетаны өндіруге шамамен $0,14 кетеді.
Трамптың тиыннан біржақты бас тартуға құқығы бар-жоғы белгісіз, өйткені валютаның сипаттамаларын, соның ішінде мөлшері мен металл мазмұнын Конгресс анықтайды.
Еске салсақ, осыған дейін Макрон АҚШ-тың Еуропаға қатысты кез келген баж салығына әрекет етуге дайын екенін жаздық.
