Балалар әдебиеті – кенже дамыса да, қазақ әдебиеті тарихында өзіндік сүбелі орны бар сала. Мамандардың айтуынша, кейінгі жылдары балаларға арналған кітаптар едәуір артып келеді. 2023 жылы елде жас оқырмандарға арналған 24 кітап жарық көрді. Ал 2024 жыл бұл сан 26-ға жеткен. Былтыр елде мемлекеттің қолдауымен 188 кітап жарық көрді. Оның 26-ы балалар мен жасөспірімдерге арналған. Туындылар жас оқырмандарға 78 мың данамен таралды. Ал биыл бұл сан артуы мүмкін. Алмас Мырзахмет, ҚР Мәдениет және ақпарат министрлігі кітап ісі басқармасының басшысы: — Әрине артады деп ойлаймын. Себебі қандайда бір әдеби байқауларда балалар әдебиеті номинациясы болғандықтан, жаңа шығармалар дүниеге келіп, мемлекетке шығару үшін автор, баспа өтінім берсе, оны заңнамалық тәртіптке қараймыз да, басып шығарамыз. Бұл көрсеткіш көбеймесе азаймайды. Балаларға арналған кітап қорын дамытуға жеке меншік баспалар да өз үлесін қосып отыр. Мәселен, Шыңғыс Мұқан басқаратын баспа былтыр 164 кітаптің тұсауын кескен. Оның 30%-ке жуығы өскелең ұрпаққа арналған. Баспагер: «Балалар әдебиетінде ілгерлеу бар», – дейді. Шыңғыс Мұқан, баспагер: — Тоқсаныншы жылдан бері қарайғы тоқырау кезеңімен салыстырғанда жәймендеп қарқын алып келе жатыр. Яғни қарқынды дамып кетті деп айта алмаймыз. Бірақ табиғи даму бар. Тренд оң, теріс емес. Жай-жай дамып келе жатыр. Ары қарай осы дамуды сақтап қалу үшін халық қазақ оқырмандары қазақша кітап сатып алу керек. Кейінгі жылдары балалар әдебиеті тақырыбында ой толғайтын қаламгерлер көбейген. Солардың бірі – Азамат Әбілқайыр. Жазушы енді жас оқырмандарға арнап комикс кітаптарды шығаруға ден қойған. Азамат Әбілқайыр, жазушы-журналист: — Балалар әдебиетін дамытуға елде өтетін әдеби байқаулар да септігін тигізіп отыр. Мәдениет және ақпарат министрлігі кітап күні мерекесіне орай «Ұлттық кітап» республикалық байқауын ұйымдастырмақ. Өтінімдерді қабылдау 1 сәуірге дейін жалғасады. Байқау 10 номинация бойынша өтеді. Оның ішінде Балаларға арналған үздік кітап, үздік комикс номинациялары бар.
