Халықаралық «QAZAQSTAN DAUIRI» газетінің, республикалық «Мөлдір бұлақ» балалар журналының Бас директоры, «ЕлАна» қоғамдық қорының президенті, ҚР еңбек сіңірген қайраткері, Жамбыл облысының Құрметті азаматы Сәуле Мешітбаева «Ел аманаты: Ауыл – ел бесігі» экспедициясы аясында Тараз қаласына келіп, ұстаздар қауымымен жүздесті.
«Бәйтерек» шағынауданындағы №67 орта мектепте өткен жүздесуге Тараз қаласы әкімінің орынбасары Қайрат Исмаил мен білім саласының қызметкерлері, жастар қатысты.
Басқосуда Сәуле Мешітбайқызы ұрпақ тәрбиесі, ұлттық құндылықтарды ұлықтау, қазақ газеттерінің жағдайы, педагогтер мәртебесі мәселелеріне кеңінен тоқталды.
Еркін форматтағы кездесуде ұлағатты ұстаздар, жалынды жастар орамды ойларын ортаға салып, көкейдегі сұрақтарын қойды.
