2012-2014 жылдар аралығында Қазақстан премьер-министрі болған Серік Ахметов өзіне қарсы қылмыстық істі қайта қарауды сұрап отыр.
Бұл туралы «Kozachkov offside» telegram-арнасы хабарлайды.
«Қазақстанның бұрынғы премьер-министрі, бұрын сыбайлас жемқорлық қылмысы үшін сотталған Серік Ахметов мемлекеттік органдарға ресми хат жолдап, Жоғарғы соттан өзіне тағылған барлық айыптарды ақтап, оның ісін қолдан жасағандарды қылмыстық жауапкершілікке тартуды талап етті» делінген хабарламада.
Хабарламаға сәйкес, экс-премьерге қарсы қылмыстық істі Олеся Кексель ұйымдастырды.
«Экс-шенеуніктің айтуынша, оны орнынан алу операциясы «Антикордың бұрынғы қызметкері, Бас прокуратураның арнайы прокурорлар қызметінің бұрынғы басшысы Олеся Кексельдің жетекшілігімен әзірленген» делінген хабарламада.
Еске салсақ, 2015 жылдың желтоқсанында Серік Ахметов бюджет қаражатын жымқырғаны, қызметтік өкілеттігін асыра пайдаланғаны және кәсіпкерлік қызметке заңсыз қатысқаны үшін бес жыл мемлекеттік қызмет атқару құқығынсыз мүлкі тәркіленіп, 10 жылға бас бостандығынан айырылған болатын. Ахметов өз кінәсін мойындамай, Қазақстанның тұңғыш президенті Нұрсұлтан Назарбаевтан сенімін ақтамай, «алаңдатқаны үшін» кешірім сұрады.
2016 жылдың наурыз айында оның жаза мерзімі 8 жылға дейін қысқартылды. Сот жазаның жеңілдетілуін Ахметовтің өкініп, 2,5 миллиард теңге шығынды өтеуімен түсіндірді.
2017 жылдың қыркүйегінде экс-премьерге тұрғылықты жері бойынша бас бостандығын шектеуді бас бостандығынан айыру түріндегі жазаға ауыстырылды.
Кейін Серік Ахметов мерзімінен бұрын шартты түрде босату туралы өтініш бергенімен, сот өтінішті қанағаттандырудан бас тартты. 2020 жылдың маусым айында сот арызданушының бас тартуына байланысты шартты түрде мерзімінен бұрын босату туралы қайталама өтінішті қараусыз қайтарды.
Қазақстанның бұрынғы премьер-министрі Серік Ахметов жазасын өтеп шықты. 2021 жылы 1 қыркүйекте одан шектеулер алынып тасталды.
Серік Ахметов әр жылдары Теміртау қаласының әкімі, Қарағанды облысының әкімі, көлік және коммуникация министрі, қорғаныс министрі болды.
