Бүгін қазақстандық алты ауыр атлет допинг дауына ілікті. Олардың допинг талдаулары оң нәтиже көрсеткен.
Бұл туралы Қазақстанның Ауыр атлетика федерациясы арнайы мәлімдеме жасады, деп хабарлайды Экспресс К.
2022 жылғы 9 ақпан мен 2 наурыз аралығында Қазақстан Ұлттық допингке қарсы күрес орталығы жарыстан тыс допинг-бақылау аясында ауыр атлетикадан ҚР Ұлттық құрама командасының спортшыларын тестілеуден өткізді.
Бақылау қорытындысы бойынша 6 спортшының допинг қолданғаны анықталды:
Олардың арасында 2020 жылғы Олимпиаданың қола жүлдегері Игорь Сон да бар.
Абылай Әуелханов;
Игорь Сон;
Юлия Потасова;
Руфина Шалқарова;
Алексей Дроздов;
Матвей Макрушин.
Барлық спортшылар Алматы облысының өкілдері.
ҚР Ауыр атлетика федерациясы оқиғаға қатысты ішкі тергеу жүргізуді жоспарлап отыр.
