Magnum сауда желісі қант саудасына уақытша шектеу енгізді. «Қант биржалық тауар болғандықтан, оның құны валюта бағамына тікелей байланысты. Қазір қант өндірушілер биржалық сауда-саттықты күтіп, тауар жіберуді тоқтатты. Кейбір бөлшек сауда орындарында қант тапшылығы байқалады. Салдарынан ірі сауда желілерінде бұл тауарға сұраныс артты. «Бір адамға 5 келі қант» деген шектеу осымен байланысты» делінген хабарламада. Компания аталмыш тауар жеткізілімі жақын арада қайта басталады деп болжады.
