Ресей мен Украина арасындағы келіссөздің екінші кезеңі аяқталды. Украина президенті кеңсесі басшысының кеңесшісі Михаил Подоляктың айтуынша, тараптар негізгі талаптар орындалмағандықтан келіссөздің үшінші кезеңін жақын арада өткізбек. Дегенмен олар дәрі-дәрмек, азық-түлік және тұрғындарды эвакуациялау үшін гуманитарлық дәліз жасауға түсіністік танытқан. Екі жақ та эвакуациялау кезінде арнайы арналардың байланысын орнатуға уағдаласқан.
