Қаланың көркі оның тазалығымен тікелей байланысты. Қоқыс төгетін арнайы орындардың сапасы мен ондағы тұрмыстық қалдықтардың жиналып қалатындығына қатысты жергілікті тұрғындар тарапынан талап-тілектер түсіп жатады. Алайда, бұл мәселені жауапты мекеме арнайы техниканың жеткіліксіздігінен және олардың тозуымен байланыстырады.
Ия, «Тазалық-саулық кепілі». Бұл тұрғыда тұрғындардың сын-ескертпесіне алып — қосарымыз жоқ.
Тұрмыстық қатты қалдықтардың жиналуы, уақытында шығарылуы қиындық туғызып келгені белгілі.
Ауылдарда бұл мәселе біршама реттелген. 24 полигонның құжаттары рәсімделіп, екеуінен басқасы қоршалған.
Ал, Қаратау қаласындағы 44 қоқыс жиналатын алаңшалар жаңартуды қажет етеді. Жаңадан алаңша салынуы тиіс жерлер бар. Жеке сектордың кейбір көшелерге контейнерлер қою мәселесі де қарастырылуда. Осыған байланысты жаңа қоқыс шығаратын «КамАз» автокөлігі сатып алынып, жаңа алаңшаларды тұрғызу қолға алынды.
