«Осы мен, осылай мәңгілік тұрармын,Осы мен, сірә да, өлмейтін шығармын!»,–деп жырлаған, ақ жауындай төгіліп, елінің рухани шөлін қандырған ақын Мұқағали Мақатаевтың биыл – 90 жылдық мерейтойы.
«Бір тойым болатыны сөзсіз менің, дәл қай күні екенін айта алмаймын»,–деп Төлеген Айбергенов болашағын болжап кетсе, Мұқаң да өзінің туған күні көзі тірісінде елеусіз қалғанына қамығып, «Бүгін менің туған күнім ой пәлі-ай, Мына елдер неге отыр тойламай» деп болашаққа наз қалдырғандай еді. Тіршілігінде «Қаздар қайтып барады» атты жыр жинағымен күллі алаштың жүрегін тебіренткен ақын, «Жылап қайттым өмірдің базарынан» деп те бір күңіреніп еді-ау! Міне, сол көзінің тірі кезінде ақ қалың елі қазағын мойындатып қойған хан тәңірдің шыңындай биік ақынның мерейтойын бүгінгі ұрпақ, күллі қазақ елеусіз қалдырып отырған жоқ. қазақтың сайын даласының кез келген аумағында мерейтой дүркіреп аталып өтіп жатыр. Соның бірі ретінде ақынның ауылдастары мен республикалық «Мұқағали» журналы бірлесе отырып жариялаған конкурсты айтуға болады. қазір бұл бәйге де өз мәресіне жетті.
«Білгің келсе, алдымен зертте мені» деген тақырыпта ғылми-танымдық мақала жазудың жүлдегерлері ішінде жерлестеріміз де бар екенін қуана хабарлаймыз. Республиканың жер-жерінен жиналып, шығармалар жіберген үміткерлердің қатары көп болғаныныан-ақ Мұқағалиды елдің бәрі сүйетінін, оны іздеп оқитынын аңғаруға болады. Конкурысқа түскен шығармалар да Сағынайдың асына келген бәйге аттарындай бірінен бірі өтіп, бәйгенің басына таласып тұрды. Ал оның ішінен «бас жүлдеге мынау лайық» деп суырып алуға келгенде қазылардың да қиналғаны анық. Бірақ жазылған шығармалардың көркемдігіне, Мұқағали бейнесін сомдай алуына, оның жырларын танымдық тұрғыда көрсетіп бере алған туындыға ғана жүлде берілді. Дейтұрғанмен келіп түскен авторлардың шығармасын бір-бірінінен кем деуге болмайды. Барлығы да Мұқағали бейнесіни образды түрде жеткізіп, оның туындысын жіліктеп, оқырманға жеткізуі жағынан да ең назарға іліктірген. Соның ішінде бас бәйгеге «Құбылыс» мақаласы үшін елімізге атын танымал Амангелді Мырзабекке берілді. Жүлде қоры 1 миллион теңге.
Ал бірінші орын тұғырына «Ұлылар үндестігі» мақаласымен жерлесіміз Сәмен Құлбарақ көтерілді. Жүлде қоры 700 мың теңге.
Ал жүлде қоры 500 мың теңгені құраған екінші орынға «Мақатаев поэзиясындағы адам концепциясы» мақаласы үшін Дүкен Мәсімхан лайық деп танылды. Одан кейінгі үшінші бәйгеге екі адам үміткер болып екеуі де ілінді. Олар Жанат Әскербекқызы, Бекен Ыбырайымов. Ал жарыстың өз ережесі бойынша ынталандыру силығына Ермек Зәңгіров, Мақұлбек Малдарбеков, Бағашар Тұрсынбайұлы ие болды. Жарыстың мерейін асырып келіп отырған «Алжан – Шажа» қоғамдық қоры тағайындаған арнайы жүлдесін «Ұлт рухының ұлы суреткері» мақаласы үшін Нұрлан Сәрсенбай жеңіп алды.
Жоғары оқу орнында жүріп талай шәкірт тәрбиеллеген жерлесіміз С.Құлбарақтың бұл жеңісі жамбылдықтар үшін үлкен мақтаныш.
