10 тамыз – Абай күніне орай оқырмандарды Абай шығармашылығын сүйіп оқуға, Абай өмірін, қасиеттерін үлгі ете отырып, білім-ғылымға құмарлықтарын арттыру, халқымыздың дана ақыны, ғұлама ойшылы, сазгер Абай Құнанбаевтың өлеңдері мен әндерін насихаттау мақсатында «Абай әлеміне саяхат» әдеби дефилье өткізілді.
Іс-шара барысында оқырмандар Абай Құнанбаевтың өмір баяны жайында бейнебаян тамашалап, өлең шумақтарынан, қара сөздерінен үзінді оқып, «Желсіз түнде жарық ай», «Көзімнің қарасы» әндері шырқалды. «Абай мұрасы – халық ұлағаты» кітап көрмесіне библиографиялық шолу жасалды.
