Ресей президенті Владимир Путинді көрнекті тарихи тұлға деп санайтын ресейліктер саны екі есеге азайды. Ресейлік әлеуметтанушылардың «Левада Центр» сауалнамасының нәтижелері бұған дәлел.
Олар 21 маусымда «Тарихтағы ең көрнекті тұлғалар» сауалнамасының мәліметтерін жариялады. Бұған дейін мұндай зерттеу 2017 жылы өткізілген. Жаңа сауалнамада Путинді көрнекті тарихи тұлға деп санайтын ресейліктердің үлесі екі есеге азайды, яғни 34 %-дан 15 %-ға дейін жетті.
Орыс ақын Александр Пушкиннің (34 %-дан 23 %-ға дейін) және император Петр I-дің (29 %-дан 19 %-ға дейін) танымалдылығы да төмендеді. Сонымен қатар, көрнекті тарихи тұлғалар қатарында академик Андрей Сахаровтың атын атағандардың үлесі артты – 2017 жылғы 2 %-дан 2021 жылы 7 %-ға дейін өсті.
Кеңес диктаторы Иосиф Сталин қайтадан сауалнамада ең көп дауыс алды – 39 %. Ол 2012 жылдан бері сауалнаманың сөзсіз көшбасшысы. Сонымен қатар, жауап беруге қиналғандардың үлесі едәуір өсті: 2017 жылғы 9 %-дан 2021 жылы 19 %-ға дейін жетті.
Еске сала кетейік, Путин 2000 жылдан бастап Ресей президенті болды, 2008-2012 жылдары, ресейлік үкіметінің басшысы болған кезде үзіліс жасады. 1 шілдеде Ресейде конституцияға өзгерістер енгізу бойынша референдум өтті; 3 шілдеде Путин негізгі заңның жаңа редакциясын енгізу туралы жарлыққа қол қойды.
Түзетулердің бірінде Путиннің президенттік мерзімін нөлге бөлу мүмкіндігі қарастырылған, бұл оған 2024 жылдан кейін, оның төртінші президенттік мерзімі аяқталғаннан кейін билікте қалуға мүмкіндік береді. Осылайша, ол 2036 жылға дейін Ресей президенті бола алады.
Керімсал Жұбатқанов, Қазақ-Орыс халықаралық университетінің доценті, тарих ғылымдарының кандидаты
