ШҚО-да 100 жастағы ардагер әже шылым шегетіні үшін тізімнен шығарылған

0 84

Ол шағымын әлеуметтік желілерде жариялады.

Бұл жазбаға ШҚО әкімі Даниал Ахметов жауап берді.

«Облыстың ардагерлер кеңесі қызметкерлерінің жұмысынан кемшілік кетіп отыр. 7 мамырда мен міндетті түрде жерлесіміз, тыл еңбеккері Хауа Бұланбаеваны Ұлы Жеңіс мерекесімен құттықтаймын. Мен оның немересі Манаппен телефон арқылы сөйлестім, біз кездесуіміздің барлық егжей-тегжейлері туралы келістік.

Айта кетейін, ардагерлерімізді қорғау үшін маған ПТР-тестілеуден өту керек. Пандемия басталғаннан бері қарттарымыз вирусты жұқтыру ықтималдығы жоғары топқа жатады, сондықтан біз олардың өміріне қауіп төндіре алмаймыз.

Ұлы Отан соғысы ардагерлері мен тыл еңбеккерлерінің Жеңіске қосқан үлесі баға жетпес. Жыл сайын 9 мамыр мерекесі қарсаңында мен жерлес ардагерлерімізді үлкен құрметпен құттықтаймын.

Өз тарапымнан Ардагерлер кеңесінің жұмысына болашақта мұндай қателіктер қайталанбауы үшін қажетті түзетулер енгізілетінін атап өткім келеді», — деді Даниал Ахметов Instagram-дағы парақшасында.

Еске салайық, бірқатар облыстың ардагерлері биыл Жеңіс күніне орай бір миллион теңге көлемінде төлем алады.

kaz.tengrinews.kz

Leave A Reply

Your email address will not be published.