Қарағандылықтарды «COVID» жазуы бар қан құйылған шыны түтік шошытты

0 76
Қарағанда тұрғындар көшеден қан сынамасын алуға арналған шыны түтікті тауып алған. Онда науқастың аты-жөні мен «СOVID» деген жазу бар,
Шыны түтік түсірілген суреттер әлеуметтік желілерде жарияланды. Өңірдегі Денсаулық сақтау басқармасы жағдайға қатысты түсінік берді.

Қарағандыда Мичурин көшесінің тұрғындары жолдан қан сынамасын алуға арналған шыны түтікті тауып алған. Сыртына «СOVID» деген жазуы бар. Куәгерлер табылған затты суретке түсіріп, оны Желіде жариялады. Сурет авторлары жедел жәрдем қызметкерлері шыны түтікті түсіріп алған деп болжайды. Олар бұл басқа адамдарға, әсіресе балаларға қауіпті болуы мүмкін деп қорқады.

Қарағанды облысы Денсаулық сақтау басқармасының баспасөз қызметі суретке қатысты түсінік берді. Ведомство өкілдері жағдайдың мән-жайын анықтайтынын айтты.

«Қарағанды облысының Денсаулық сақтау басқармасы бұл дерек бойынша қызметтік тергеу жүргізіп жатыр», — деді баспасөз қызметі өкілдері.

tengrinews.kz

Leave A Reply

Your email address will not be published.