Қарағанды облысында жоғалған қыз бала ер адаммен бірге қараусыз қалған үйден табылды
Қаражал қаласында кеше кешкісін жас қыз жоғалып кетті. Көптеген тұрғындар оны іздеді. Қыз бала 55 жасар ер адаммен бірге қараусыз үйден табылды
Жоғалған баланың хабарламасы жергілікті полиция бөліміне сағат 22.26-да түскен. Кішкентай қызының жоғалғаны туралы анасы хабарлады. Баланы іздеуге полиция қызметкерлері, төтенше жағдайлар департаменті, жергілікті атқарушы органдардың өкілдері мен еріктілер тартылды. Оқиға кезінде қыз бала қараусыз қалған үйден табылды. Оның жанында 55 жастағы ер адам болған. Ол балаға зиян тигізе алды ма, жоқ па, ол туралы айтылмайды.
«Бұл факті бойынша қылмыстық іс қозғалды. Тергеу шаралары жүргізіліп жатыр. Тиісті сараптамалар тағайындалды. Ұсталған адам уақытша ұстау изоляторына қамалды», — деп хабарлады Қарағанды облысының полиция департаменті.
Естеріңізге сала кетейік, бұған дейін осындай факт Сәтбаев қаласында болған еді. Бес жасар сәбиді көршісі ұрлап әкеткен. Барлық қала тұрғындары оны іздеді. Бала ер адамның пәтерінен табылған. Күдікті уақытша ұстау изоляторына қамалды.
