Дойбыдан ақсақалдар арасында турнир өтті

0 74

Халқымызда «Қариясы бар ел – қазыналы ел» деген тағылымды сөз бар. Біз әрқашан қариясын қадірлеп, ардагерін ардақтаған текті елдің ұрпағымыз. Әркез алдыңғы буын аға-апаларымыздың ел дамуы жолындағы ерен ерлігі мен қажырлы еңбегін үлгі тұтамыз.

Өйткені ғұмыры ғибратқа толы ардақты ардагерлердің жүріп өткен жолы – өнеге мен тағылым мектебі.
Елімізде ардагерлердiң жақсы өмiр сүруiне көп көңiл бөлiнуде.

Жыл сайын зейнетақының өсуi, ардагерлерге жасалып жатқан жеңiлдiктер, көпбалалы аналарды марапаттаумен қатар басқа да игі шаралар ардагерлерді қолдау деңгейiнiң жоғары екенiн көрсетедi.

Бұл бағыттағы жүйелі жұмыстар ауданымызда да атқарылуда. Аудан әкімінің қолдауымен ардагерлер кеңесінің ұйымдастыруымен өмірі өнегелі қарияларға көптеген құрмет көрсетілуде.

Қазыналы қарияларымыздың, ақ жаулықты апаларымыздың әлеуметтік жағдайы, күнделікті тыныс-тіршілігі, тиісті қолдаулар мен жеңілдіктерге ие болуы мемлекет назарында.

Ауданымыздың әлеуметтік-экономикалық дамуына үлес қосқан зейнет жасындағы ардагерлер қоғамдық жұмыстарға белсене араласып, жас ұрпаққа бағыт-бағдар беріп, қоғамның дұрыс дамуына зор үлес қосуда.

1-наурыз «Алғыс айту» күніне орай дойбыдан ардагерлер арасында аудандық ашық турнир өткізілді. Ауданымыздың ардагерлері жақсы көңіл күймен тартысты қызықты ойындар көрсете білді.

Ардагерлеріміздің батасын аталып жарысты бастап жеңімпаздар мен жүлдегерлерге Сарысу ауданы әкімдігінің дене шынықтыру және бұқаралық спорттық іс-шаралар өткізу орталығы тағайындаған тиісті дәрежедегі диплом, медальдармен марапатталды.

Д.Үмбетиярова,

Сарысу ауданы

Leave A Reply

Your email address will not be published.