Ақтау түрмесінде екі тұтқын қарсылық білдіріп, қасық жұтқан

0 134
Қазақстандағы түрмелердің бірі.

Ақтау маңындағы ГМ-172/6 мекемесінде жазасын өтеп жатқан екі тұтқын «түрме режимімен келіспей», қарсылық ретінде қасық жұтты. Бұл туралы Маңғыстау облысының қылмыстық-атқару жүйесі департаментінің баспасөз

қызметіне сүйенген Lada.kz сайты жазды.

Департаменттің хабарлауынша, оқиға 21 сәуірде болған. Баспасөз қызметі оларға «медициналық көмек көрсетілгенін» айтып, жағдайларын «орташа» деп бағалады.

Ақпаратқа қарағанда қоғамдық бақылау комиссиясы мен ұлттық превентивті механизм өкілдері түрмеге кіріп шыққан.

«Бүгін (25 сәуір – ред.) ведомство басшыларының шақыруымен аталған мекемеге, оның ішінде қатаң режимдегі отрядқа кіріп шықтық. Тұтқындарды ұжым ретінде де, оңаша да қабылдадық. Тараптарды тыңдадық, барлық ақпарат мұқият тексеріледі» деді Маңғыстау облысы бойынша ұлттық превентивті механизм тобының жетекшісі Александр Муха Lada сайтына.

Әзірге тұтқындардың туыстары ақпарат құралдарына шықпаған.

Қазақстан түрмелерінде өзіне қол салу немесе денені жарақаттау оқиғалары жиі кездеседі. Құқық қорғаушылар оған көп жағдайда түрмедегі азаптау мен қысым түрткі болатынын айтады.

Азаптау туралы шағымдардың тек кейбірі ғана сотқа жетеді. Ал билік былтыр жыл соңында 2020 жылы Қазақстан түрмелерінде азаптау тіркелмеді деп мәлімдеген.

azattyq.org

Leave A Reply

Your email address will not be published.