Алматы облысында ер адам дәрігерлерге былапыт сөздер айтып, полиция қызметкерін ұрып-соқты.
Оқиға видеосы әлеуметтік желілерде жарияланды.
Оқиға орнына барған учаскелік инспектор онда қоғамдық тәртіпті бұзған ер адамның болғаны анықтады.
«Оқиға орнына келген полиция қызметкері ер адамнан сабыр сақтауын өтінді, бірақ ол бұл өтінішті елемей, полицейді бетінен себепсіз бір ұрды, содан кейін аулада түрлі соққы жасады, сөйтіп жағдайды пайдаланып белгісіз бағытта қашып кетті», — деді Алматы облыстық полиция департаментінің баспасөз қызметіндегілер.
Күдіктіге қатысты қылмыстық кодекстің 293-бабы 2-тармағы 2-бөлігі «Бұзақылық» бойынша қылмыстық іс қозғалды. Қазіргі уақытта оны ұстау бойынша жедел-іздестіру шаралары жүріп жатыр.
