Бүгін Сарысу аудандық кітапханасының абонемент бөлімінің ұйымдастыруымен Тәуелсіздіктің 30тжылдығы аясында жас ақын, сазгер Самат Тоқбановтың 30 жасқа толу мерейтойына орай «Құс қанатындағы арман» атты кездесу кеші ұйымдастырылды.
Кештің мақсаты:Өлкеміздегі ақын,сазгер Самат Тоқбановтың шығармашылығын өскелең ұрпаққа өнеге тұтып, насихаттау.
Қаламгердің өрнегі молжырлары мен әуезді әндері арқылы жасөспірімдерге патриоттық рух беріп,кітап оқуға құлшынысын,еліне, жеріне деген сүйіспеншіліктерін арттыру.
Кешіміздің құрметті қонақтары Сарысу ауданы әкімінің орынбасары Нұралиев Нұржан Тоқбергенұлы, Сарысу аудандық мәслихатының хатшысы Сейналиев Асанбай Ермекбайұлы, Сарысу ауданы мәдениет және тілдерді дамыту бөлімінің басшысы Жақсыпейлова Салтанат Жаксыпейлова Сейітжанқызы, Сарысу аудан әкімінің жастар ісі жөніндегі кеңесшісі Бауыржан Балғабай қатысып, өз жылы лебіздерін білдіріп, шалқар шабыт тіледі.
Алыстағы ұстаздары,құрдастары сәлем жолдаған «Тосын сый»жасалынды. Кеш соңында Сарысу аудандық орталықтандырылған кітапханалар жүйесінің директоры Айтбала Жолмаханова Әбухасқызы жүрекжарды лебізін білдіріп,сый сияпат жасады.
