2021 жылғы «Оскар» жүргізушілері белгілі болды

0 202

2021 жылғы «Оскар» жүргізушілері актер Брэд Питт пен актриса Зендая болады. Бұл туралы шараны ұйымдастырушылардың Instagram-дағы ресми парақшасында жарияланды.

Марапаттау рәсіміне Холли Берри, Хоакин Феникс, Лора Дерн, Рене Зеллвегер, Риз Уизерспун және Харрисон Форд сияқты танымал актерлер қатысады. Олар сыйлық лауреаттарына алтын мүсіншелерді береді.

2021 жылғы «Оскар» жүлдесін тапсыру рәсімі АҚШ-та ғана емес, Франция мен Ұлыбританияда да өтеді. Бұл үміткерлердің коронавирус пандемиясына қарамастан рәсімге жеке қатысуы үшін қажет.

Алайда осы жаңалыққа қарамастан, ұйымдастырушылар барлық қатысушыны негізгі іс-шара өтетін Лос-Анджелеске жеке келуге шақырды. Карантинге байланысты шығындарды барлық қонаққа рәсімнің серіктестері өтейді.

«Оскар» табыстау рәсімі 25 сәуірде Лос-Анджелестегі Dolby Theater ғимаратында өтеді. Іс-шара дәстүр бойынша америкалық телеарналар мен желіде көрсетіледі.

kaz.tengrinews.kz

Leave A Reply

Your email address will not be published.